Savol: Men namoz o'qishni, Islom dinini mukammal darajada o'rganishni juda-juda xohlayman. Men O'zbekistonda emasligim uchun bilmayman. Hozir musofir yurtdaman. Men nima qilishim kerak? Yoshim 22da. Shu vaqtlarda qilgan gunohim va bundan keyingilari uchun tavba qilishni istayman. Asli musulmon bo'lsamda, musulmonning amallarini yaxshi bilmayman. Sizlardan iltimos, menga yordam beringlar. Oldindan katta rahmat. Hilola. Javob: Alloh taolo sizga yordam bersin. Insonning niyati xolis, harakati jiddiy bo'lsa, albatta Alloh madad ato qiladi. Rabbingiz nomidan ayting: "Ey o'zlarining zararlariga ko'p gunoh qilgan bandalarim! Allohning rahmatidan umid uzmangiz. Shubhasiz, Alloh barcha gunohlarni kechiradi. Albatta U G'afurdir, Rahiymdir (53). Sizlarga azob kelib, yordamsiz qolib ketmasingizdan avval Rabbingizga qayting va Unga taslim bo'ling. (54). O'zingiz sezmagan holingizda to'satdan azob kelib qolmasidan burun, sizlarga nozil qilingan kitoblarning eng afzaliga ergashing. (55). Toki, hech bir jon egasi: "Vo hasrato, Allohning haqqini zoye' qildim-a, dunyoda faqat masxara qiluvchilardan bo'ldim-a!” deb qolmasin. (56). (Zumar surasi). "Men albatta tavba qilgan, iymonini kamolga etkazgan, solih amal qilgan, so'ng hidoyatda sobit turgan kishi uchun ko'p gunohlarni kechiruvchi Zotdirman ". (Toho, 82). Tavbaning to'rtta sharti bor: 1. Gunohdan butkul to'xtash; 2. Qilgan gunohi uchun afsus chekish; 3. Gunohni boshqa qilmaslikka qat'iy qaror qilish; 4. Agar odamzod haqqiga tajovuz qilgan bo'lsa, uni rozi qilish; Biz sizga yordam berishni so'rab, ba'zi muslima birodarlarga murojaat qildik. Ular alhamdulilloh rozi bo'lishdi. Inshoalloh, tez fursat ichida siz bilan bog'lanishadi va Islomni o'rganishingizga yordam berishadi. Ular bilan internetda yoki shaxsiy aloqalar tarzida darslar qilishingiz mumkin. Тавба қилишни истайман, менга ёрдам беринглар Савол: Мен намоз ўқишни, Ислом динини мукаммал даражада ўрганишни жуда-жуда хоҳлайман. Мен Ўзбекистонда эмаслигим учун билмайман. Ҳозир мусофир юртдаман. Мен нима қилишим керак? Ёшим 22да. Шу вақтларда қилган гуноҳим ва бундан кейингилари учун тавба қилишни истайман. Асли мусулмон бўлсамда, мусулмоннинг амалларини яхши билмайман. Сизлардан илтимос, менга ёрдам беринглар. Олдиндан катта раҳмат. Ҳилола. Жавоб: Аллоҳ таоло сизга ёрдам берсин. Инсоннинг нияти холис, ҳаракати жиддий бўлса, албатта Аллоҳ мадад ато қилади. Раббингиз номидан айтинг: Эй ўзларининг зарарларига кўп гуноҳ қилган бандаларим! Аллоҳнинг раҳматидан умид узмангиз. Шубҳасиз, Аллоҳ барча гуноҳларни кечиради. Албатта У Ғафурдир, Раҳиймдир (53). Сизларга азоб келиб, ёрдамсиз қолиб кетмасингиздан аввал Раббингизга қайтинг ва Унга таслим бўлинг. (54). Ўзингиз сезмаган ҳолингизда тўсатдан азоб келиб қолмасидан бурун, сизларга нозил қилинган китобларнинг энг афзалига эргашинг. (55). Токи, ҳеч бир жон эгаси: Во ҳасрато, Аллоҳнинг ҳаққини зойеъ қилдим-а, дунёда фақат масхара қилувчилардан бўлдим-а! деб қолмасин. (56). (Зумар). Мен албатта тавба қилган, иймонини камолга етказган, солиҳ амал қилган, сўнг ҳидоятда собит турган киши учун кўп гуноҳларни кечирувчи Зотдирман . (Тоҳо, 82). Тавбанинг тўртта шарти бор: 1. Гуноҳдан буткул тўхташ; 2. Қилган гуноҳи учун афсус чекиш; 3. Гуноҳни бошқа қилмасликка қатъий қарор қилиш; 4. Агар одамзод ҳаққига тажовуз қилган бўлса, уни рози қилиш;